18 сентября в 06:00

Фото: 1

САЙЛАУЛАР: бүләкләр уйнатыла 📸 Бүген РФ Дәүләт Думасына депутатлар сайлауларның беренче көне. Анда катнашу – һәрберебезнең Ватан алдындагы гражданлык бурычы. Икенчедән, бу кыйммәтле бүләк оту мөмкинлеге дә. 📸 Исегезгә төшерәбез: сайлаулар көннәрендә #ВсейсемьейНаВыборы #ТатарстанАлга фотографияләр бәйгесе уздырыла. Бүләкләр саллы: 3 автомобиль һәм 33 смартфон. 🚗 📱 Конкурста катнашу шартлары: 🔹 Тавыш биргәннән соң махсус беләзек алырга. 🔹 Сайлау участогы урнашкан бинаның тышкы фонында гаилә белән фотога төшәргә (ким дигәндә, 1 беләзек күренергә тиеш). 🔹 Фотосурәттә икедән дә ким кеше булырга тиеш түгел – гаилә әгъзалары, дуслар, хезмәттәшләр (18 яшьтән өлкәнрәк). 🔹 Фотода сайлау участогы урнашкан бинага керү ишеге (язу, баннер, плакат) күренергә тиеш. 🔹 Фотоны 18 сентябрьдә 08.00 сәгатьтән 20 сентябрьнең 20.00 сәгатенә кадәр #ВсейСемьейНаВыборы, #ТатарстанАлга хештеглары белән ВКонтактедагы шәхси биткә урнаштырырга (катнашучының ВКонтакте аккаунты фотоконкурс дәвамында ачык булырга, һәм ул 18 яшькә җиткән кешенеке булырга тиеш). ♦Моннан тыш, Түбән Камада да бүләкләр уйнатылачак. КАМА TYRES шина комплексы өч комплект бүләк белән катнаша. Бәйгедә катнашу өчен: 1. «Всей семьей на выборы» республика бәйгесе шартларын үтәргә. 2. «Нижнекамск» группасына язылырга. 3. Бәйгедә катнашуыгызны расларга: шул пост астында, тавыш бирүегез турында комментарий калдырырга (1 катнашучы – 1 комментарий). 🤳🏽 Призлар уйнату. Бүләкләр «Нижнекамск» группасында 18, 19, 20 сентябрьдә 14.30 -15.00 һәм 20.30-21.00 сәгатьтә туры эфирда уйнатылачак. Җиңүчеләр рандомайзер ярдәмендә билгеләнә. Фотоконкурста катнашу шартлары белән тулырак https://vk.com/tatarstanalga марафон бергәлегендә танышырга мөмкин. Сайла, катнаш һәм бүләк от!

18 сентября в 03:16

Фото: 1

Җомга белән! «Һәр кешенең кояшы бар. Аңа яктыртырга ирек бирергә генә кирәк». (Сократ) 🌞 Кеше "кояш"ы: һәркем нинди дә булса бер табигый сәләт, талантка ия; ул — аның эчке дөньясы, кичерешләре. Кешегә ачылырга, аны күрергә, "кояш"ына яктыртырга мөмкинлек бирергә, ярдәм итәргә кирәк. Бер-беребезгә карата игътибарлы, ихтирамлы булыйк!

17 сентября в 12:01

Фото: 8

ЮБИЛЕЙ: Әнвәр Вахитовка – 75! 🎉 Гомеренең 44 елын шина комплексына багышлаган хезмәт ветераны, Татарстанның атказанган химигы, «Фидакарь хезмәт өчен» медале, «ТАССРның 100 еллыгы» истәлек билгесе иясе, фәннәр кандидаты Әнвәр Вахитовка бүген – 17 сентябрьдә 75 яшь тулды. Мөхтәрәм юбилярны “Татшина” җәмгыяте генераль директоры Игорь Прокопьев һәм профком рәисе Михаил Кузнецов котлады. 🛞 Вахитовлар гаиләсе Түбән Камага 1971 елда Чистайдан күченә. Әнвәр хезмәт биографиясен тимер кыручы өйрәнчеге сыйфатында башлый. Югары белем ала. 1975 елда йөк шиналары заводының технологик агым системалары цехына мастер булып эшкә урнаша. Берничә елдан ул – цех начальнигы урынбасары, аннан вулканлаштыру цехы начальнигы, предприятиенең баш инженеры, завод директоры. 2007 елда тоташ металл кордлы шиналар заводы төзелә башлый, аны җитәкче итеп билгелиләр. 2014-2017 елларда “Татнефть-Нефтехим” идарәче компаниясе” җәмгыяте директоры вазыйфаларын башкара. Лаеклы ялга чыккач ике ел Компаниянең нефть химиясе комплексын үстерү үзәген җитәкли. Аның инициативасы белән шиналарны яңарту буенча «КаМаРетрэд» предприятиесе сафка баса. 🤝 Әнвәр Фасыйховичка хас сыйфатларның берсе – сабырлык. Хезмәттәшләре аны кешелекле, гадел, алга карап эш йөртүче җитәкче буларак искә ала, аның эш алымнарын, киңәшләрен бүген дә кулланалар. 🎉 КАМА TYRES хезмәт коллективы исеменнән, Әнвәр Фасыйховичны юбилее белән котлап, бәрәкәтле гомер, сәламәтлек, гаилә бәхете, һәр эшенең уң булуын телибез!

17 сентября в 09:00

Фото: 1

САЙЛАУЛАР: иң мөһиме – иминлек 18, 19 һәм 20 сентябрь, Дәүләт Думасына сайлауларда тавыш бирү көннәрендә, Татарстанда куркынычсызлыкка аерым игътибар биреләчәк. ТР Үзәк сайлау комиссиясе рәисе Андрей Кондратьев ракета куркынычы яки БПЛА һөҗүме янаган очракта гамәлдә булачак эш тәртибе турында хәбәр итте. 🔹 Куркыныч иртәнге сәгатьләрдә барлыкка килсә, участоклар «Отбой воздушной тревоги» командасы игълан ителгәнче ачылмаячак. 🔹 Куркыныч көн дәвамында булса, тавыш бирү туктатыла. Комиссия рәисләре сайлучыларны куркынычсыз урыннарга (яшеренү урыннары, җир асты корылмаларына) озата, ә тавыш бирү урыннары ябыла. 🔹 Эшне яңадан башлау: участоклар куркыныч бетүе турында рәсми хәбәр алгач кына сайлаучыларны кабул итә башлый. ❗Иң мөһиме – тынычлык һәм тәртип. Паникага юл куймаска, сайлау комиссияләре хезмәткәрләре, хокук саклау органнары һәм участокта кизү торган Росгвардия күрсәтмәләрен төгәл үтәргә кирәк. Үзегезне саклагыз һәм уяу булыгыз!